OBTA (Institutum Hereditati Antiquorum Investigandae) a professore Georgio Axer AD MCMXCI-o creatum, cui spatio annorum MMVIII et MMXII professor Ioannes Kieniewicz praeerat, membrum est solidum Facultatis "Artium Liberalium" Universitatis Varsoviensis. E cuius Facultatis sinu collegia scientiae studendae, quae cognitiones maximi in orbe terrarum momenti exercent, originem suam trahunt, e.g. Laboratorium Fontibus Edendis Humanitatique Digitali Studendae et Laboratorium Filhellenum. Nunc in OBTA novissimum in Polonia artium humaniorum inceptum, ERC Consolidator Grant nuncupatum, procrescit. Facultas nostra cum diversis variarum disciplinarum studiosis ex omni terrarum orbe, ut ex America Boreali, Africa, Asia, Australia et Nova Zelandia, collaborat, scientiam puram cum scientiae istius educatione et divulgatione coniungendo.

In OBTA antiquitatis vestigia non solum in maximi momenti litterarum artiumque operibus, sed etiam in vita et cultura cotidiana, i.e. in litteris fictis, cinematographis, cantilenis, ludis televisificis et novissimis in interrete phaenomenis, persectamur. Antiquitas magni est nobis in universa cultura cognoscenda momenti. Cuius recipiendae modus e mutationibus, ab antiquissimis usque ad nostra tempora in orbe terrarum factis, pendet.

Patientiam petimus. Situs hic interretialis mox augebitur.

Marcus Luepertz, Merkury (Bonn), fot. Katarzyna Marciniak

Nuntii recentiores

logo obta

Die 21 mensis Januarii MMXVIII - Dorothea Bazylczyk et Anna Mik de monstris femini generis

Dorothea Bazylczyk et Anna Mik de monstris femini generis in operibus pueris puellisque destinatis in symposio (Humboldt Kolleg) “Topographien der Globalisierung / Topographies of Globalization” narraverunt.

logo obta

Die 20 mensis Januarii MMXVIII - Catharina Marciniak de hereditate antiquitatis

Catharina Marciniak de hereditate antiquitatis et adolescentium cultura in seculo globalizationis in symposio (Humboldt Kolleg) “Topographien der Globalisierung / Topographies of Globalization” narravit.

logo obta

Die 10 mensis Decembris MMXVII - Anna Mik de antiquorum vestigiis apud Gualterum Disney

Anna Mik de antiquorum vestigiis in Gualteri Disney pelliculis animatis in symposio “Universum Disneyanum” Cracoviae narravit.

logo obta

Diebus 5-8 mensis Decembris MMXVII - Conventus Clustri The Past for the Present

Viri atque mulieres docti, Prof. Marcus Janka et Raimundus Fichtel una cum Prof. Ioanna Alvoni et Prof. Laurentio Tosi apud Facultatem nostram convenerunt et una nobiscum nova incepta excogitabant.

logo obta

Die 4 mensis Decembris MMXVII - Autism, theory of mind and works of fiction

Vir doctus Eduardus Pecchini de autismo narrabit.

© Ośrodek Badań nad Tradycją Antyczną
Zdjęcie teatru w Dodonie: Przemysław Kordos
Projekt strony: Rafał Łempicki
Top